隐藏于大德路小巷超美味猪肠粉!你食过未

2017.05.12 来源: 互联网大字

今日路过大德路，正苦恼唔知道食咩好?见到一班人坐系一条巷入边唔知食咩!吃货嘅**感觉话我知**有野好食!行近一睇，原黎系食猪肠粉。一间好细嘅店，店入边就系厨房，食客都系坐系街边食，见到好多人点卤猪肠猪肠粉，果断点左一份。

卤猪肠猪肠粉，小份11蚊大份13蚊，蒸到热辣辣且晶莹剔透嘅猪肠粉。上面淋上卤汁同焖到深褐色嘅猪肠，见到卖相就已经食指大动，卤汁非常惹味，甜甜地唔会太咸，猪肠处理得好干净，唔会有一d骚味，焖得好淋但系依然有小小嚼头，简直就系从小食到大嘅味道，食完仲想食，呢度嘅酱系甜酱，唔系海鲜酱。虽然宜家好多店都中意直接比海鲜酱，感觉高大上。但系海鲜酱味道同始终同甜酱唔同，因为海鲜酱系用黎煮野，所以预左你会稀释，直接食会比较咸，而甜酱就系直接用食物蘸黎食。

我印象中嘅甜酱系应该甜中带微微酸，甜得比较厚实而且充满陈皮嘅香味，细细个成日食嘅三酱肠粉甜酱就系成碟粉味道嘅主控，冇左甜酱成碟粉就黯然失色啦，仲有老广都中意嘅蒜蓉辣椒酱，呢度嘅蒜蓉辣椒酱都味道都唔错。但我食唔出系咪致美斋嘅，个人比较中意致美斋嘅蒜蓉辣椒酱，香而不辣系距嘅特殊属性。配各种蒸粉食特别香。如果想食辣都可以加呢种油辣椒打开盖就闻到香味啦!呢度嘅白芝麻系自己加噶，你想加几多都得，每一口都有芝麻。芝麻嘅香气从**啖到*后一啖，简直幸福感**!!!

投稿作者：孤芳不自赏46

下一篇没有了

隐藏于大德路小巷超美味猪肠粉!你食过未

淘商机

热门创业项目